Vikwazo kwa viongozi wa ghasia Ukraine

 

• Facebook
• Twitter
• Google+
• Tuma kwa rafiki yako
• Chapisha

Mamia ya watu wamejeruhiwa kwenye ghasia Ukraine

Mawaziri wa mambo ya nje wa Muungano wa Ulaya, wameamua kuwawekea vikwazo washukiwa wa ghasia zinazoendelea nchini Ukraine.

Taarifa zinazohusiana

• Siasa

Waziri wa Italia, Emma Bonino, amesema kuwa watu aliowataja kuwa na damu mikononi mwao, watakabiliwa na vikwazo ikiwemo vikwazo vya usafiri, pamoja na kupiga tanji mali zao.
Pia kutakuwa na marufuku ya kuingiza nchini humo vifaa vya polisi wa kupambana na ghasia.
Mawaziri wengine wa mambo ya kigeni katika Muungano wa Ulaya, kutoka Ufaransa, Poland na Ujerumani, wako mjini Kiev kushauriana na pande hizo mbili.
Wanakutana na viongozi wa upinzani baada ya mkutano wao na Rais Viktor Yanukovych kuhusu mwafaka wa amani.
Hii bila shaka itajumuisha swala la kuunda serikali ya mpito.
Watu 22 wameuawa katika ghasia zilizozuka upya kati ya waandamanaji na polisi mjini Kiev Ukraine, baada ya makubaliano yaliyofikiwa kutibuka.
Watu nchini humo wameelezea kujionea mabomu ya petroli , risasi na maji vikitumiwa katika kitovu cha maandamano, medani ya uhuru.
Walioshuhudia ghasia hizo wanasema kuwa karibu watu 21 na 27 wameuawa.
Polisi mmoja ameripotiwa kuuawa.